Халқимизнинг маънавий юксалишида, ижтимоий жараёнларни ва тарихни ҳолис акс этишдаги аҳамияти Ўзбекистон Республикаси Президенти И.А. Каримов томонидан кўплаб маърузаларида талқин қилинган. Ҳусусан, Президент шундай сўзларни айтган: “Биз халқни номи билан эмас, балки маданияти, маънавияти орқали биламиз, тарихнинг таг-томиригача назар ташлаймиз.… ҳаққоний тарихни билмасдан туриб эса ўзликни англаш мумкин эмас ...” .Кўплаб маданият ва фан арбоблари, диншунос ва публицист ёзувчилар, диний хизматчилар ва ҳуқуқшунослар диний ташкилотлар билан давлат муносабатлари қай тарзда тараққий этиши, виждон эркинлигининг умуминсоний қадриятлар, демократик ҳуқуқ ва эркинликлар тизимида эгаллаган ўрни ҳусусида турли қарашларни билдиришмоқда. Диний конфессиялар муаммолари билан боғлиқ жамиятдаги мунозараларда мамлакатимиз шаклланиши ва тараққиётининг турли босқичларида виждон эркинлигини амалга ошириш масаласи алоҳида ўрин эгаллайди.1991 йил Ўзбекистонда “Виждон эркинлиги ва диний ташкилотлар тўғрисида” қонун қабул қилиниб, унда давлат томонидан турли динларга эътиқод этувчи ва диндор бўлмаган фуқаролар, диний ташкилотлар ўртасида бағрикенглик ҳамда ўзаро ҳурмат муносабатларининг ўрнатилишига имконият яратилиши, уларнинг муносабатларини қарама-қарши қўйиш ва чуқурлаштириш, конфессия ва гуруҳлар ўртасида душманликни келтириб чиқаришга йўналтирилган диний фанатизм ва экстремизм ҳаракатларига йўл қўйилмаслиги аниқ тарзда айтиб ўтилган.